പ്രശസ്ത നടി സായ് പല്ലവി തനിക്കെതിരെ പ്രചരിച്ച ഒരു വ്യാജവാർത്തയെക്കുറിച്ച് മനസ്സ് തുറന്നു. ഗലാട്ട പ്ലസിന് നൽകിയ പ്രത്യേക അഭിമുഖത്തിലാണ് താരം ഇക്കാര്യം വെളിപ്പെടുത്തിയത്.
നാലു വർഷങ്ങൾക്ക് മുൻപ് ഒരു മാധ്യമ സംഭാഷണത്തിനിടെ, മലയാള താരങ്ങൾ തെലുങ്കിൽ അഭിനയിക്കുന്നതിനെക്കുറിച്ച് ചോദിച്ചപ്പോൾ, താൻ തമിഴ്‌നാട് സ്വദേശിയാണെന്ന് വ്യക്തമാക്കിയതാണ്. എന്നാൽ പിന്നീട്, “മലയാളി എന്ന് വിളിച്ചതിന് റിപ്പോർട്ടറോട് ദേഷ്യപ്പെട്ടു” എന്ന തരത്തിൽ വാർത്ത പ്രചരിച്ചത് തന്നെ ഏറെ വേദനിപ്പിച്ചതായി താരം വെളിപ്പെടുത്തി.
“കേരളത്തിൽ നിന്ന് എനിക്ക് ലഭിച്ച സ്നേഹവും പിന്തുണയും വളരെ വലുതാണ്. ‘പ്രേമം’ എന്ന ചിത്രമാണ് എന്റെ കരിയറിൽ വഴിത്തിരിവായത്. അത്തരം സാഹചര്യത്തിൽ മലയാളികളോട് വിരോധം പ്രകടിപ്പിക്കുക എന്നത് ചിന്തിക്കാൻ പോലും കഴിയാത്ത കാര്യമാണ്,” സായ് പല്ലവി പറഞ്ഞു.
ഒരിക്കൽ വിമാനത്താവളത്തിൽ വെച്ച് ഒരു സ്ത്രീ മലയാളത്തിൽ സംസാരിച്ചപ്പോൾ, “സോറി, മലയാളത്തിൽ സംസാരിച്ചാൽ നിങ്ങൾക്ക് ദേഷ്യം വരില്ലേ” എന്ന് ചോദിച്ചത് തന്നെ വല്ലാതെ വേദനിപ്പിച്ചതായും താരം കൂട്ടിച്ചേർത്തു. വ്യാജവാർത്തകൾ സൃഷ്ടിക്കുന്ന തെറ്റിദ്ധാരണകൾ എത്രമാത്രം ഗുരുതരമായ പ്രത്യാഘാതങ്ങൾ ഉണ്ടാക്കുന്നുവെന്നതിന്റെ തെളിവാണ് ഈ സംഭവമെന്ന് നിരീക്ഷിക്കപ്പെടുന്നു.
English Summary:
