നവാഗത സംവിധായകൻ വൈശാഖ് എലൻസിന്റെ ആദ്യ സംവിധാന സംരംഭമായ ‘ഹലോ മമ്മി’ നവംബർ 21ന് തിയേറ്ററുകളിൽ എത്തുന്നു. ഷറഫുദ്ദീനും ഐശ്വര്യ ലക്ഷ്മിയും പ്രധാന കഥാപാത്രങ്ങളായി എത്തുന്ന ഈ ചിത്രത്തിന്റെ ട്രെയിലർ ഇപ്പോൾ പുറത്തിറങ്ങി. പ്രമുഖ താരങ്ങളായ വിജയ് സേതുപതി, ഉണ്ണി മുകുന്ദൻ, പൃഥ്വിരാജ്, ഫഹദ് ഫാസിൽ, നിവിൻ പോളി, റാണ ദഗ്ഗുബതി എന്നിവരാണ് ട്രെയിലർ റിലീസ് ചെയ്തത്.
കോമഡിയിൽ തുടങ്ങി ഹൊറർ ഫാന്റസിയിലേക്ക് വഴുതി മാറുന്ന കഥാഗതിയാണ് ട്രെയിലറിന്റെ പ്രത്യേകത. ജഗദീഷ്, ജോണി ആന്റണി, ബിന്ദു പണിക്കർ എന്നിവരുടെ ശക്തമായ അഭിനയ മുഹൂർത്തങ്ങളും ട്രെയിലറിൽ ശ്രദ്ധേയമാകുന്നു. ബോളിവുഡ് താരം സണ്ണി ഹിന്ദുജ ഒരു പ്രധാന വേഷത്തിൽ എത്തുന്ന ചിത്രത്തിൽ അജു വർഗീസ്, ജോമോൻ ജ്യോതിർ, അദ്രി ജോ, ശ്രുതി സുരേഷ്, ഗംഗാ മീരാ തുടങ്ങിയവരും അണിനിരക്കുന്നു.
ഹാങ്ങ് ഓവർ ഫിലിംസും എ ആൻഡ് എച്ച് എസ് പ്രൊഡക്ഷനും സംയുക്തമായി നിർമ്മിക്കുന്ന ചിത്രത്തിന്റെ തിരക്കഥ സാൻജോ ജോസഫ് ഒരുക്കിയിരിക്കുന്നു. ‘റെഡിയാ മാരൻ’ എന്ന ഗാനം ഇതിനോടകം തന്നെ ശ്രദ്ധ നേടിക്കഴിഞ്ഞു. മു.രിയുടെ വരികൾക്ക് ജേക്സ് ബിജോയ് ഈണം പകർന്ന ഗാനം ഡബ്‌സി, സിയ ഉൾ ഹഖ്, ജേക്സ് ബിജോയ് എന്നിവർ ആലപിച്ചിരിക്കുന്നു.
കേരളത്തിലെ വിതരണം ഡ്രീം ബിഗ് പിക്ച്ചേഴ്സും വിദേശ വിതരണം ഫാഴ്സ് ഫിലിംസും ഏറ്റെടുത്തിരിക്കുന്നു. പ്രവീൺ കുമാർ ഛായാഗ്രഹണവും ചമൻ ചാക്കോ എഡിറ്റിങ്ങും നിർവഹിക്കുന്ന ചിത്രത്തിന്റെ സംഗീത വിതരണാവകാശം സരിഗമ മ്യൂസിക്കിനാണ്. സാബു മോഹൻ പ്രൊഡക്ഷൻ ഡിസൈനും റോണക്സ് സേവ്യർ മേക്കപ്പും സമീറാ സനീഷ് വസ്ത്രാലങ്കാരവും നിർവഹിക്കുന്നു.
English Summary:
